موضوع: تعرف على شخصيتك من خلال ردك على التليفون الثلاثاء أبريل 07, 2009 11:54 am
ghadi
كل واحد فينا الو طريقه معينه بيحكي فيها اول مايرد ع التليفون يعني مثلا في ناس اول ماترد ع التليفون بتحكي: [الو....]
في اغلب الاحيان بيكون انسان هادي وحبوب ودايما بنام والجوال في الشاحن وبيكره انو يسكر مو بايلو لما ينام بس بحطه على الصامت وع الاغلب بيحب يدهن رجليه قبل لا ينام وبلبس جرابات لانو كتير مهتم. وتتراوح اعمار الاشخاص المستخدمين لتلك العباره من بين العاشره الى اربعين
[هلا....... ]
ازا كان شب بيكون " نسونجيييييييييييي بنمره واستماره" يعني مجرد ما رد عليك خد منو حكي وغزل وحب ورومانسيه ويا حبيبي ازا حكالك هلا اكتر من مره يييييييييييييييييي انسى راحت ع شبابك . ومن اكتر العبارات المشهورين فيها بالغزل" انتي ملاك. انتي حرام تعملي شي انتي لازم تضلي اعده ملكه والكل يخدمك. انتي حرام تمشي ع الارض" ع اساس انو انا صروصوره يعني مو فاهمه" ماعلينا .
اما ازا كانت صبيه" فهاي بنت كتيييييييييير كسوله وبتحب النوم وبتكره تعمل شي مفيد بحياتها و ع الاغلب بتحب تاكل تومه وع الاغلب بتكون مليقه يعني ملقوفه يعني زنخه ومو كتير محبوبه عند الناس "
ازا كان شب " متواضع جدا لدرجه انو بتمنى انو يشتغل موظف استقبال بشي مكان حتى لو ببيتو اخر همو المشاكل واول اهتماماتو ع الاغلب مستقبلو"
اما ازا كانت صبيه "هاي بتكون دلووووووعه ورايقه وشايفه حالها ببعض الاوقات ويتعمل حالها زكيه وانها عارفه مين اللي ع الخط مع انها باغلب الاوقات بتكون مضيعه. تتراوح اعمار المستخدمين لهذا الرد بين 27-32
[نعم]
يعني بدون ما نحكي مبين انو اللي برد هيك رد صاحب مشاكل وبموت وبعشق المشاكل والطوش يعني ازا حكيتلو صباح الخير ممكن يمزعك موس ع صباحك
[ايوه... !!]
هاد مسكييييييييييييييييين و ع نياتو ودايما بكون مسالم يعني "ماشي الحيط الحيط و بقول يارب الستره" وبتحسو دايما مندهش يعني اول ما يرن تليفونو بتلاقيه انصدم وبصير يحكي هاد تليفوني؟ معقول الي ؟ معقول في حد سال عني؟ يعني بخليك تحس انو نكره" ولما ما يتصل عليه حد وبدو يرفع معنويات حالو بيسمع اغنيه جنات " حبيبي على نياتو"
[مين....؟؟ ]
هاد بكون حرامي درجه اولى وع الاغلب مشكل عصابه . واكتر الاوقات بكون عليه ديون ميشان هيك اول مابرد بحكي مين ميشان يبين انو مو عارف مين اللي عم يحكي ميشان ازا مستلف منو يعرف يزحلقو ودايما بحكيوهو رافع حاجب ومنزل حاجب يعني بالاردني (ديوانجي)
[سم] طبعا هاي اختصاص اهل الخليج
اذا كان شب"بكون مرتاح ماديا وعندو فلوس كتيييير وع الاغلب عندو مكتب عقار
واذا كانت صبيه" بتكون كتيير كريمه وبتحب تحضر اعراس وتعمل عزايم وبتحب تشرب قهوه كتييييييييييييييير وقت المغرب. اخيرا وليس اخرا
[هاااااااااااااااااا] طبعا بدون اي شك اللي معك ع الخط اردني بحت اردني قلبا وقالبا . ماكل قبل مايرد سدر منسف وشارب وراها كاسه لبن ومهضم بصندوق بيبسي والسيجاره مستحيييييل تنزل من ايدو . ع الاغلب مطفر ومامعو ليره بجيبتو . طبعا راح يكون من احد العائلات التاليه( مطايزه,خرابعه,خرابشه. صرايره, هباهبه, الدعجه,) وطبعا اهم شي نغمه مو بايلو يا اما لحسين السلمان يا اما عمر العبدلات هاد ازا ماكانت( تع بورد).
ghadi
